تأمل في المدرسة

تأمل في المدرسة؟
في ناس بتحضر معايا جلسات التأمل مرة أو مرتين من باب التجربة والإستفادة، وفي ناس التأمل بيغير في حياتهم ومش بيكتفوا بالتدريب عليه لوحدهم، لكن بيبدأوا ينشروا ثقافة التأمل في مكان شغلهم وبيتهم وبيكونوا شعلة طاقة وبهجة وإلهام لكل الناس ال في محيطهم  
@maha.darweesh
من الناس الجميلة المبهجة ال أبهرتني أنا شخصيا لما بعتتلي صورتها وهي بتعمل تأمل مع المدرسات زملائها في مدرسة
The International School of Elite Education
وأصبحوا بيمارسوا التأمل بشكل رسمي بالإتفاق مع إدارة المدرسة كل أسبوع! وده بيساعد المدرسات بشكل كبير انهم يتغلبوا على التوتر وضغط الشغل ويتعاملوا مع الطلاب بشكل أفضل وبهدوء أعصاب 

التغيير الحقيقي مش بيحصل بالشعارات لكن بالناس ال عندها حماس زي مها وبيعملوا مبادرات إيجابية تساعد أصدقاءهم وزملائهم يعيشوا في توازن وانسجام. في دول كتير الطلبة بيمارسوا التأمل قبل بداية اليوم الدراسي ورجال الشرطة قبل عملهم والموظفين في كتير من الشركات. وحاجة جميلة إن في ناس وشركات في مصر بدأ يكون عندهم وعي بأهمية التأمل وتأثيره الكبير على الحالة النفسية والذهنية للعاملين وجودة العمل والإنتاج، وإن التأمل هو ضرورة حقيقية مع التوتر والجري والهري ال احنا عايشين فيه مش مجرد رفاهية أو ناس فاضية بتعمل طقوس غريبة 

لما تتعلم علم جديد أو حاجة مفيدة ليك ابدأ طبقها على نفسك وانشرها حواليك 

#school_meditation 
#spread_meditation
#maisaralife_meditations