تقبل الآخر

لو انت نباتي وبتكره الناس ال بتاكل لحمة وعندك غضب ناحيتهم؛
لو انتي بتدافعي عن حقوق المرأة وبتكرهي الرجالة بشكل عام؛
لو انت واخد كورسات كتير في الوعي والطاقة ودايما حاسس إن الناس العاديين ال مخدوش كورسات سفهاء وتافهين؛
الناس دول عندهم مشاكل في تقبل الآخر وتقبل المتناقضات بشكل عام مع إنها طبيعة الحياة.
الناس دول تعبانين جدا وبيستمدوا طاقتهم من الصراع مع إنهم ظاهريا ممكن يكونوا بيدعوا السلام.
ومحتاجين يتعلموا يتعاملوا مع مشاكلهم الداخلية ويتعلموا التقبل والتركيز وشوية حاجات تانية قبل ما يبدأوا في مهاجمة الآخر.

لما تكون بتدعو لشيء ومؤمن بيه .. لا تقع في فخ إنك تدخل في حرب مع عكسه وتقاومه ... هتعيش حياتك وتقضي أوقاتك بتهدر طاقتك في محاربة ما لا تريد بدل التركيز على ما تريد ... وفرق كبير بين الاتنين ...