طريق الاستنارة

مكنتش أتخيل إن كتاب عمره أكتر من 2500 سنة ممكن يغير حياتي بالشكل ده ... الوعي الحقيقي لا يحده زمان ولا مكان ... مؤلف الكتاب ده مش شخص عادي ومش واحد كاتب كلام حلو وخلاص ... الطبيعة بتعبر عن نفسها من خلال حكمته وكلماته ... 81 فصل في الحقيقة هم 81 بوابة للحكمة والوعي والتأمل ... تقدر تتعلم منهم كل يوم ومش هتشبع من حكمته ... قرأته مئات المرات وما زلت بقرأه وبتعلم منه ... ترجمتي للكتاب كانت أقرب للحلم أو الإلهام ... مش عارف حصل ازاي الحقيقة لأني مكنتش ناوي أترجمه .. بس هو اترجم بسلاسة وسهولة بدون مجهود يذكر .. كل فترة كان بيجيلي إلهام واحساس لفصل معين إني عايز أترجمه .. لحد ما اكتملت الترجمة. ومع بداية رحلتي في ممارسة رياضة "التاي تشي" أدركت بُعد تاني عميق في الكتاب كأني بتعلمه لأول مرة! اكتشفت إن كل حكمة مكتوبة هي عبارة عن تطبيق جسدي في رياضة التاي تشي مش بس حكمة تطبقها في أفكارك ومشاعرك!! وده خلاني أعدل حاجات كتير في الترجمة بعد إدراكها بوعي مختلف ... وده الـ خلى كتاب أنهيت ترجمته للعربية من 4 سنين ينضج ويظهر للنور دلوقتي ... أنا بكتب الكلام ده وأنا مذهول إن في حاجة كده وإن الكتاب ده حقيقي وإن أنا ترجمته فعلا ... لأن لما بقرأ الترجمة بحس إن ده مكانش أسلوبي في الكتابة وكأن حد كان بيمليني الترجمة أو بيعبر عن نفسه من خلالي ...

تاو تي تشينج - طريق الاستنارة رحلة بدأت ولم تنتهي ... ممتن لوجود هذا المُعلم العظيم في حياتي ... وممتن لحكمته الخالدة الـ هتفضل الأجيال تتعلم منها ... لأنها حقيقية

#منهج_الاستنارة
#تاو_تي_تشينج
#طريق_الاستنارة