علامات التوهان

علامات بعرف منها إنك مش موجود - مش سامعني:

-لما تكرر نفس السؤال مرتين أو تلاتة في فترة زمنية قصيرة مع إني جاوبتك من شوية إجابة واضحة ومختصرة
-لما تكون ردودك سريعة وجاهزة قبل ما تسمع الحل لمشكلتك
-لما تكون كل أسئلتك "أعمل ده ازاي؟" و"هوصل لده امتى؟" مع إني قاعد بشرح لك الخطوات بالفعل ... لكن صوت عقلك أعلى من صوتي فانت مش سامعني 
وطبعا لما تكون عينيك رايحة جاية في كل حتة أثناء الجلسة وبتفرك وبتلعب في الموبايل أو أي حاجة أو عندك هوس انك تكتب كل كلمة بقولها من غير ما تكون في حضور وتواصل حقيقي معايا عشان خايف تنسى ... فهتنسى

وكل الـ فوق ده طبيعي وناس كتير بتعمله من غير ما تاخد بالها
فحلو انك تبتدي تاخد بالك وتبطأ ريتم حياتك وتتنفس بهدوء شوية خاصة لو بتحضر جلسة لها علاقة بالوعي والتأمل ... كتير الإجابات بتكون قدامنا لكننا مش شايفينها أو بنختار منشوفهاش أو بنهرب من تحمل المسؤولية الذاتية ...

Photo by
@ghareebphotography_studio