لذة التفكير السلبي
Feb 07, 2018لذة التفكير السلبي (1)
ما أجمل انك تتوقع الأسوأ عشان لما يحصل الأسوأ تتجنب المفاجأة .. ما أسهل انك تعيش غلبان ويكون كل الـ حواليك سبب تعاستك فتعيش معفي من المسؤولية وتحس بالأمان .. وتشكي همك للناس وتتغذى على تعاطفهم معاك ...
للتفكير السلبي لذة زي البسبوسة والنوتيلا، للتفكير السلبي متعة ولا أحلى أكل مدهنن في الزيت. عارف انه مضر ومتأكد انه هيؤذيك وممكن تكون عندك مشاكل صحية بالفعل بس مش بتقدر تقاومه. مجرد ما تشوفه قدامك بتنسى كل حياتك وتنقض بكل جوارحك وتضحي بجهازك الهضمي عشان لحظة متعة حسية. التفكير السلبي إدمان أكتر من السجاير والكوكايين ...
بس يا ترى فعلا توقع الأسوأ بيحميك؟ يا ترى فعلا بيحسسك بالأمان؟ يا ترى فعلا انت محتاجه بالدرجة دي؟ وهو ده ال انت جاي هنا عشانه وهي دي أفضل طريقة للحياة؟
رأيكم ايه؟ 
يتبع ...
