نظرية الشاشة العملاقة

نظرية الشاشة العملاقة

من المشاهد الـ بتخيلها كتير من وأنا صغير ولا زالت ممتعة جدا، تخيل ان أمامي شاشة عملاقة مقسمة لشاشات صغيرة كتير، كل شاشة عليها شخص متصور وهو بيتكلم وبيفكر وكلهم في نفس ذات الوقت. الشاشات عليها مجموعة ناس في مجتمع معين أو كل الناس في الأرض عموما.

تخيلوا ممكن نكتشف ايه؟

-بالنسبة لي مثلا هكتشف ان الشعب المصري بيشتكي من الشعب المصري، والمجتمع بيشتكي من المجتمع.
-وهكتشف إن بيحصل توارد خواطر ما بين البشر عموما طول الوقت ودي مش حاجة صدفة أو قليلة، على طول في أسلاك أفكار بتمشي وبتنتقل ما بينا وبنفكر في نفس الأفكار في نفس الوقت لكن مرات قليلة بيصادف إن بنعرف ده فعلا من خلال مكالمة تليفونية مثلا أو اتنين أصدقاء ينطقوا كلمة في نفس اللحظة.
-هتفرج ازاي ممكن إشاعة أو فكرة ملهاش وجود تنتشر في لحظة بين ملايين البشر وتؤثر في مشاعرهم وقراراتهم بشكل جذري، ويمكن أكتشف حقيقة عمو الـ "بيقوللك"

وانت ممكن تكتشف ايه؟