هل انت حقيقي؟

هل انت حقيقي مع نفسك؟
هل عايش حقيقتك كاملة في حياتك؟
ولا نص حقيقي .. ولا ربع حقيقي؟ 

ايه ال بيمنعك تعيش حقيقتك بالكامل وتحس انك مرتاح مش بتمثل ومش عايش بتيجي على نفسك؟
كتير بنختار نبعد عن حقيقتنا ونعيش تمثيلية مش بتاعتنا عشان خايفين من عدم الوفرة .. وفي العمق حاسين ان الحياة مفهاش وفرة؛ لو عيشت حقيقتي مش هيكون معايا فلوس كفاية .. مش هينفع أعيش حقيقتي في الظروف ال أنا فيها .. مش هلاقي دعم .. بشكل أو بآخر عقلك بيقولك إن الظروف حواليك هتمنعك تعيش حقيقتك ... وأنا وحقيقتك بنقولك لما تعيش حقيقي مع نفسك كل الواقع والظروف هتسخر نفسها وتتشكل لصالحك

الحياة معندهاش اختيار غير انها تكون انعكاسك ومرايتك .. وانت حقيقي وقريب من روحك وفطرتك حياتك بتكون تدفق سلس وتجسيد للحب والإبداع والشجاعة الموجودين جواك ورقصة مستمرة للوفرة

#رقصة_الوفرة